चितवन । नारायणगढ–मुग्लिन सडकखण्डअन्तर्गत ३ नम्बर पुलबाट शुक्रबार बिहान ट्रक खस्दा चालकको मृत्यु भएको छ ।
मृत्यु हुनेमा हेटौँडा उपमहानगरपालिका वडा नम्बर १६ का ३२ वर्षीय विजय रुम्बा छन् । जिल्ला प्रहरी कार्यालय चितवनले दिएको जानकारी अनुसार भरतपुर अस्पतालमा उपचारका क्रममा रुम्बाको मृत्यु भएको हो ।
मुग्लिनबाट भरतपुरतर्फ आउँदै गरेको ना ८ ख ५२०० नम्बरको ट्रक बिहान साढे ६ बजेतिर अनियन्त्रित भई खोल्सामा खसेको हो ।
इच्छाकामना गाउँपालिका वडा नम्बर ५ स्थित सो पुलबाट करिब ५० मिटर तल ट्रक खसेको थियो । ट्रकमा सिमेन्ट घोल्ने मिक्सचर जडान गरिएको छ ।
प्रकाशित मिति: शुक्रबार, जेठ ३०, २०७७ ०३:१२
