काठमाडौंको बालाजुमा बुधबार राति भएको सवारी दुर्घटनामा २ युवाको मृत्यु भएको छ ।
गोंगबुबाट बालाजुतर्फ जाँदै गरेको बा.२क ५४८५ नम्बरको मिनी ट्रकसँग ना ६५प २८०१ नम्बरको स्कुटर ठोक्किँदा २ जनाको ज्यान गएको हो ।
महानगरीय ट्राफिक महाशाखाका एसएसपी भीमप्रसाद ढकालका अनुसार दुर्घटनामा बझाङका २२ वर्षका लोकेन्द्र विष्ट र २५ वर्षका धनबहादुर बुढाको ज्यान गएको हाे ।
दुर्घटनापछि भागेका मिनी ट्रकका चालकलाई पक्राउ गरिएको महानगरीय प्रहरी वृत्त बालाजुले जनाएकाे छ ।
प्रकाशित मिति: शुक्रबार, जेठ १६, २०७७ ०४:१८
