तेह्रथुम : पूर्वको जिल्ला तेह्रथुमको लालिगुराँस नगरपालिका ६ को सालघारी सामुदायिक वनमा लागेको आगो गाउँमा प्रवेश गर्दा तीन घरमा क्षति पुगको जिल्ला प्रहरी कार्यालय तेह्रथुमले जनाएको छ ।
प्रहरीका अनुसार आइतवार बिहान करिव सवा ११ बजेतिर जंगलमा भएको आगलागी फैलिदै गाउँसम्म आई पुग्दा स्थानीय सुक बहादुर लिम्बु, समिर लिम्बु र चन्द्र बहादुर लिम्बुको घर जलेर क्षति भएको हो । सुक बहादुर लिम्बुको ढुङगा माटोले बनेको २ तले कच्ची घर र नजिकै रहेको गाईगोठ समेत जलेर नष्ट हुँदा करिव ४ लाख बराबरको क्षति भएको प्रहरीले जनाएको छ ।
आगोबाट छिमेकी समिर लिम्बुको घर जलेर नष्ट हुँदा २ लाख बराबरको र चन्द्र बहादुर लिम्बुको घर जलेर नष्ट हुँदा अन्दाजी ३ लाख बराबरको क्षति भएको जिल्ला प्रहरी कार्यालय तेह्रथुमले जनाएको छ । आगलागी प्रहरी र स्थानीयवासीको सहयोगमा साढे २ बजेतिर पूर्णरुपमा नियन्त्रणमा आएको तेह्रथुम प्रहरीले जनाएको छ ।
प्रकाशित मिति: आइतबार, चैत ३, २०७५ २०:४६
