भाेजपुर । भाेजपुरकाे हतुवागढी गाउँपालिकामा बिहीबार दिउँसो भएकाे आगलागीमा ५ लाख रुपैयाँभन्दा बढीकाे क्षति भएकाे छ ।
हतुवागढी गाउँ पालिका ९ मचुवाटार बस्ने राजेश राईको १ तले घरको भान्सा कोठाको चुल्होबाट आगो सल्की आगलागी भएकाे जिल्ला प्रहरी कार्यालय भाेजपुरका प्रहरी निरीक्षक पाण्डव राजवंशीले बताए ।
आगलागीबाट घरसँगै टाँसिएको भाटाको बेरा, फुसको छानो भएको भूइँतले गोठ समेत पुर्णरुपमा जलेर नष्ट भएकाे छ ।
यस्तै आगलागीबाट नगद १६ हजार, सुनको ४ आनाको मंगलसूत्र, अन्नपात, लत्ताकपडा, भाँडावर्तन समेत जलेकाे प्रहरी निरीक्षक राजवंशीले जानकारी दिए ।
राजेशकी श्रीमती ओमकुमारी राईको नागरिकता र छोरा रिजन राईको जन्मदर्ता समेत जलेेर नष्ट भएकाे छ । अगलागीबाट ५ लाख २५ हजार बराबरको क्षति भएको छ ।
प्रहरी चाैकी हसनपुरबाट प्रहरी सहायक निरीक्षककाे कमान्डमा गएकाे प्रहरी र स्थानीयबासीको सहयोगमा ५ बजेतिर आगाे पूर्णरुपमा नियन्त्रणमा लिइएको भाेजपुर प्रहरीले जनाएको छ ।
प्रकाशित मिति: बिहीबार, वैशाख ११, २०७७ १२:५६
