बैतडी । बैतडीमा आइतबार बिहान स्करपियो दुर्घटना हुँदा ८ जना घाइते भएका छन् भने घाइतेमध्ये १ जनाको अवस्था गम्भीर छ ।
गम्भीर घाइते हुनेमा दार्चुलाको महाकाली नगरपालिकाका ४८ वर्षीय विष्णुदत्त भट्ट रहेको बैतडीका प्रहरी प्रमुख प्रहरी नायव उपरीक्षक डिल्लीनारायण पाण्डेयले जानकारी दिए ।
घाइते सबैको गोकुलेश्वर अस्पतालमा उपचार भइरहेको छ । धनगढीबाट दार्चुला जाँदै गरेको बा १३ च ३१८० नम्बरको स्करपियो महाकाली राजमार्ग अनतर्गत बैतडीको दोगडाकेदार ५ ढिकगाडमा बिहान साढे ५ बजे दुर्घटनामा परेको हो ।
स्करपियो सडकबाट १५ मिटर तल खसेको छ । चालक निदाएकाले दुर्घटना भएको हुनसक्ने बैतडी प्रहरीले जनाएको छ ।
प्रकाशित मिति: आइतबार, फागुन १८, २०७६ ०३:३१
