बर्दिबास । नेपाल कम्युनिस्ट पार्टी मालेका महासचिव सिपी मैनाली चढेकाे कार महाेत्तरीकाे बर्दिबासमा दुर्घटनामा परेकाे छ । दुर्घटनामा परी मैनाली गम्भीर घाइते भएका छन् ।
झापाबाट काठमाडौं जाँदै गरेको बा ७ च २१२० नम्बरको कार र विपरीत दिशाबाट आउँदै गरेको ना ४ च ८६६८ नम्बरको पिकअप भ्यान एकआपसमा ठोकिँदा दुर्घटना भएको इलाका प्रहरी कार्यालय बर्दिबासका डिएसपी राजन चापागाईंले जानकारी दिए ।
कारमा मैनालीका छोरा बुहारी तथा नाति पनि थिए । मैनालीकाे टाउको र खुट्टामा चोट लागेको छ भने बुहारी पूजाको दुवै खुट्टा भाँचिएको र अरु सामान्य घाइते भएको प्रहरी जनाएको छ ।
अहिले उनीहरूलाई बर्दिबास जनसेवा हस्पिटलमा प्राथमिक उपचार भइरहेको र सेनाको हेलिकोप्टरबाट काठमाडौंको ग्रान्डी हस्पिटल ल्याउने तयारी भइरहेको प्रहरीले जानकारी दिएकाे छ ।
प्रकाशित मिति: बिहीबार, फागुन १५, २०७६ ०८:३२
