दोलखा । दोलखामा बसले ठक्कर दिँदा १ बालकको मृत्यु भएको छ ।
अरनिको यातायातको बा ४ ख ५८०९ नम्बरको बसले शिवरात्रि मनाउनका लागि पैसा उठाउँदै गरेका स्थानीय बालक पुजन थामीलाई ठक्कर दिएको थियो ।
दोलखाको सिंगटीबाट सदरमुकाम चरिकोटतर्फ आइरहेको साे यात्रुबाहक बसले कालिञ्चोक गाउँपालिकामा ठक्कर दिँदा थामीको मृत्यु भएको हो ।
थामीलाई बसको पछाडितर्फको चक्काले किच्दा घटनास्थलमै मृत्यु भएको प्रहरीले जनाएको छ ।
ठक्कर दिने बस र चालकलाई प्रहरीले नियन्न्त्रणमा लिएको छ ।
प्रकाशित मिति: शुक्रबार, फागुन ९, २०७६ ०८:२७
