काठमाडाैं । स्कुटी दुर्घटनामा परी नायिका महिमा सिलवाल र उनकी बहिनी शर्मिलाको मृत्यु भएको छ ।
भैरहवाबाट काठमाडाैं आउँदै गरेको लु २ ख १३५ नम्बरको बस र काठमाडाैंबाट चितवन जाँदै गरेको बा ९८ प ७०५८ नम्बरको स्कुटी धादिङको गजुरीमा ठोक्किँदा सिलवाल दिदी बहिनीको मृत्यु भएको प्रहरीले जनाएकाे छ ।
दुर्घटनामा घाइते भएकी महिमाको गजुरीमा रहेको प्राथमिक स्वास्थ्य केन्द्रमा बुधबार नै ज्यान गएको प्रहरी नायब उपरीक्षक (डीएसपी) खगेन्द्र खड्काले जानकारी दिए ।
उनका अनुसार दुर्घटनामा घाइते भएकी महिमाकी बहिनी शर्मिलाको बिहीबार बिहान काठमाडाैंको ट्रमा सेन्टरमा ज्यान गएको हो । महिमाले कारबाही , अप्रिल फुल , चियर्स , दानव लगायतका चलचित्रका साथै दर्जन बढी म्युजिक भिडियोमा अभिनय गरेकी छिन् ।
उनी चितवनको भरतपुर महानगर १२ की स्थायी वासिन्दा हुन् । बहिनीकाे इंगेजमेन्टमा चितवन जाँदै गर्दा बुधबार राति दुर्घटना भएको हो ।
हाल महिमाको शव गजुरी अस्पताल र बहिनी शर्मिलाको शव ट्रमा सेन्टरमा राखिएकाे छ । चालकसहित बसलाई प्रहरीले नियन्त्रणमा लिएर
अनुसन्धान गरिरहेकाे छ ।
प्रकाशित मिति: बिहीबार, फागुन १, २०७६ ०४:५०
