सिरहा । सिरहामा बसले ठक्कर दिँदा मोटरसाइकलमा जन्ती गएर फर्किँदै गरेका २ जनाको मृत्यु भएको छ ।
मोटरसाइकलमा सवार सिरहा नगरपालिका–३ का ४४ वर्षीय शैलेन्द्र मण्डल र २९ वर्षीय अमन मण्डलकाे मृत्यु भएको प्रहरीले जनाएको छ ।
सिरहाबाट चोहर्वातर्फ जाँदै गरेको ना ४ ख ९२४१ नम्बरको बसले सिरहा–चोहर्वा सडकखण्डको नरहा गाउँपालिका ५ पानबारीमा सिरहातर्फ आउँदै गरेको लु १६ प ४४४१ नम्बरको मोटरसाइकललाई ठक्कर दिएको थियो ।
शवको पोस्टमार्टमका लागि जिल्ला अस्पताल सिरहामा राखेको जिल्ला प्रहरी सिरहाले जनाएको छ । ठक्कर दिने बस र चालक प्रहरीको नियन्त्रणमा रहेको जिल्ला प्रहरी सिरहाले जनाएको छ ।
प्रकाशित मिति: सोमबार, माघ २७, २०७६ ११:२५
