धरान । धनकुटाको अहालेबाट धरान आउँदै गरेको जिप छेस्के भीरमा दुर्घटना हुँदा ३ जना घाइते भएका छन् ।
मंगलबार बिहान जिप अनियन्त्रित भएर सडकमा पल्टिएको प्रत्यक्षदर्शीले बताएका छन् । गिरिजाप्रसाद कोइराला फाउन्डेसन साँघुरीगढी गाउँपालिका समिति धनकुटाले आयोजना गरेको बैठकमा सहभागी भएर धरान आउने क्रममा गाडी दुर्घटनामा परेको हो ।
दुर्घटनामा नेपाली कांग्रेस धनकुटाका क्षेत्रीय सभापति तथा जिपी फाउन्डेसन प्रदेश १ का संयोजक इन्दिरा थापा, जिल्ला सदस्य धन राई र महेन्द्र बहुमुखी क्याम्पस धरानका प्राध्यापक जीवन राई घाइते भएको प्रहरीले जनाएको छ ।
उनीहरूलाई तत्काल उद्धार गरेर उपचारका लागि धरानस्थित बिपी कोइराला स्वास्थ्य विज्ञान प्रतिष्ठान ल्याइएको छ ।
प्रकाशित मिति: मंगलबार, माघ २१, २०७६ ०७:०६
