अछाम । अछाममा एक वडाध्यक्ष मृत अवस्थामा भेटिएका छन् ।
मृत भेटिनेमा अछामको पञ्चदेवल विनायक नगरपालिका-२ का वडाध्यक्ष पदमबहादुर धामी रहेको जिल्ला प्रहरी कार्यालय अछामले जनाएको छ ।
प्रहरीका अनुसार आज बिहान वडाध्यक्ष धामीको शव घरभन्दा करिब ५ मिटर पर मृत अवस्थामा भेटिएको हो ।
वडाध्यक्ष धामीको हत्या भएको आशंका आफन्त र स्थानीयले गरेका छन् । प्रहरीले भने घटनाबारे थप अनुसन्धान भइरहेकाले अहिले नै यकिन गर्न नसकिने जनाएको छ ।
धामी नेपाली कांग्रेसका तर्फबाट स्थानीय तहको वडाध्यक्षमा निर्वाचित भएका थिए ।
यसैबीच पञ्चदेवल विनायक नगरपालिकाले एक विज्ञप्ति जारी गर्दै वडाध्यक्षकाे हत्या गर्नेलाई कानुनी कठघरामा ल्याई हदैसम्मकाे कारबाही गर्न माग गरेकाे छ ।
विज्ञप्तिमा वडाध्यक्षकाे हत्या हुनुलाई गम्भीर सुरक्षा चुनाैतीकाे रुपमा लिँदै आवश्यक शान्ति सुरक्षाकाे माग गरिएकाे छ ।
प्रकाशित मिति: मंगलबार, माघ २१, २०७६ ०५:४१
