ललितपुर । ललितपुरको बखुन्डोलस्थित उत्तर कोरियाली दूतावास नजिकै कवाडीखानामा भीषण आगलागी भएको छ । आगलागीमा परी २ जना घाइते भएका छन् ।
आइतबार बिहान ११ः२० बजेतिर लागेको आगलागीले उग्र रुप लिएको छ। आगोले कवाडीखाना नजिकैको घरहरूमा समेत क्षति पुगेको छ ।
आगलागीमा परी २ जना घाइते भएका छन् । गोदाम सञ्चालक र कामदार घाइते भएको र उनीहरूलाई उद्धार गरी अल्का अस्पताल लगिएको प्रहरीले जनाएको छ ।
कवाडी उद्योगमा लागेको आगो निभाउन काठमाडौं र ललितपुरको दमकल पठाइएको प्रहरीले जनाएको छ । आगो नियन्त्रणमा आउन बाँकी रहेको प्रहरीले जनाएको छ ।
प्रकाशित मिति: आइतबार, माघ १९, २०७६ ०६:१६
