विराटनगर । आइतबार दिउँसाे विराटनगरमा बसले मोटरसाइकललाई ठक्कर दिँदा २ जना घाइते भएका छन् ।
झापाकाे काँकडभिट्टाबाट विराटनगरतर्फ आउँदै गरेकाे को १ ख ४०४३ नम्बरको महालक्ष्मी यातायातकाे बसले विराटनगरबाट उत्तरतर्फ गइरहेको मे २ प ८७९४ को मोटरसाइकललाई ठक्कर दिँदा उक्त दुर्घटना भएकाे हाे । घटनामा परी मोटरसाइकमा चढेका पाँचथर फिदिम निवासी अन्दाजी २० वर्षीय धनबहादुर तामाङ र २१ वर्षीय सञ्जय तामाङ घाइते भएका छन् ।
डीएसपी राजकुमार खिइजुका अनुसार घाइतेमध्ये धनबहादुरको अवस्था गम्भीर छ । घाइते दुवैको विराटनगरस्थित विराट नर्सिङ होममा उपचार भइरहेको छ । बस र चालकलाई प्रहरीले नियन्त्रणमा लिएकाे छ।
तस्बिर : देवचन्द्र घिमिरेकाे फेसबुकबाट
प्रकाशित मिति: आइतबार, असोज १२, २०७६ १०:०७
