काठमाडाैं । काभ्रेकाे चौँरीदेउराली गाउँपालिकाको मादन कुडारीबाट काठमाडौँ आउदै गरेको अरनिको यातायात सेवा समितिको बा २ ख ६३८६ नम्बरको बस भुम्लु गाउँपालिका वडा नम्बर ७ फलाटेमा बिहीबार दिउँसो दुर्घटना भएको छ ।
ब्रेकफेल भई सडकमै बस पल्टिँदा १० जना यात्रु घाइते भएको र घाइतेमध्ये जगतबहादुर चौलागाईंको अवस्था गम्भीर रहेको प्रहरीले जनाएको छ ।
घाइतेहरुलाई एम्बुलेन्स र बोलेरोमा धुलिखेल अस्पतालमा लगेर उपचार भइरहेको छ । बसमा ४० जना यात्रु थिए । कच्ची सडकमा क्षमताभन्दा बढी यात्री राख्दा दुर्घटना भएको प्रहरीले जनाएको छ ।
प्रकाशित मिति: बिहीबार, असोज ९, २०७६ १९:२५
