स्याङ्जा । स्याङ्जाको गल्याङमा जिप दुर्घटना हुँदा जिपमा सवार दुई जनाको मृत्यु भएको छ ।
पाल्पाको रामपुरबाट गल्याङका लागि छुटेको लु १ ज ३८४१ नम्बरको जिप गल्याङ ३ बुटवल पावर कम्पनी नजिकैबाट झण्डै ४ सय मिटर तल खस्दा जिपमा सवारमध्येकी एक महिला र एक बालकको मृत्यु भएको गल्याङ प्रहरी चौकीले जनाएकाे छ । प्रहरीका अनुसार मृतक दुवै जनाको सनाखत हुन सकेको छैन ।
२६ जना घाइतेमध्ये केहीलाई तानसेन रिफर गरिएको छ भने केहीको स्थानीय गल्याङ सामुदायिक स्वास्थ्य केन्द्रमा उपचार भइरहेको छ । दुर्घटनामा पर्नेहरुमा तीज मनाएर घर फर्कदै गरेका महिला धेरै छन् ।
प्रकाशित मिति: बुधबार, भदौ १८, २०७६ १९:५१
