अछाम । अछाममा बोलेरो जिप दुर्घटना हुँदा तीन जनाको मृत्यु भएको छ भने अरू तीन जना घाइते भएका छन् ।
रामारोशनको मुजाबगरबाट जयगढकालागी छुटेको से १ ज ९९५ नम्बरको बोलेरो जिप बुधबार राति जयगढको सुकिबाग डिल्ली बजार नजिक दुर्घटना भएको हो।
मृत्यु हुनेमा बान्नीगढी जयगढ गाउँपालिका ४ का अशोक परियार, सोही ठाउका कालु सि आउजी र बैतडीका लालबहादुर बोहरा छन् ।
घाइते हुनेमा बान्नीगढ जयगढ गाउँपालिका ४ तिमिसेनका तर्कराज तिमिसेना, कैलालीका जन्जीर चौधरी र घनश्याम चौधरी रहेका टाफिक प्रहरी कार्यालय अछामका नारायण बडुले जानकारी दिए।
घाइतेहरुको बयालपाटा अस्पतालमा उपचार भइरहेको अछाम प्रहरीले जनाएको छ ।
रातको समय, कच्चीबाटो र पानी परेकाले दुर्घटना भएको हुन सक्ने प्रहरीकाे अनुमान छ । घटनाबारे अनुसन्धान भइरहेकाे बताइएकाे छ ।
प्रकाशित मिति: बिहीबार, भदौ ५, २०७६ ११:४७
