काठमाडौं : भक्तपुर प्रहरीले सूर्यविनायक नगरपालिका ५ सल्लाघारीस्थित एक घरबाट ६ लाख १ हजार ६ सय पचासी रुपैयाँसहित १३ जना जुवाडेलाई शनिबार नियन्त्रणमा लिएको छ।
विशेष सुराकीको आधारमा महानगरीय प्रहरी परिसर भक्तपुरबाट खटिएको प्रहरी टोलीले उनीहरुलाई नियन्त्रणमा लिएको हो ।परिसरका प्रवक्ता प्रहरी नायब उपरीक्षक रेवतीरमण पोखरेलका अनुसार १३ जुवाडेलाई तास खेलिरहेकै अवस्थामा नियन्त्रणमा लिन सफल भएको थियो।
उनले जुवाडेको साथबाट नगद ६ लाख १ हजार ६ सय पचासीसँगै १२ बुक तास, २ थान चेक र तास खेल्न प्रयोग गरिने अन्य सामान बरामद गरिएको जानकारी दिएउनीहरुलाई परिसर भक्तपुरको नियन्त्रणमा राखी थप अनुसन्धान भइरहेको प्रहरीले जनाएको छ।
प्रकाशित मिति: आइतबार, असार ८, २०७६ १६:५४
