काठमाडौं : बर्दियाको राजापुर नगरपालिका ३ स्थित नंगापुरमा एकजनाको हत्या भएको छ।
घरको आँगनमा सुतिरहेको अवस्थामा ५५ वर्षीय जयराम थारुको हत्या भएको हो। जिल्ला प्रहरी कार्यालय बर्दियाका प्रहरी नायव उपरीक्षक मदनजीत महराका अनुसार थारुको निधारमा धारिलो हतियार प्रहार भएको देखिन्छ।
घटना कसले र किन घटाएको भन्ने बारे अनुसन्धान भइरहेको उनले जानकारी दिए। उनका अनुसार राति खाना खाइ सुतेका थारुको हत्या भएको प्रारम्भिक अनुसन्धानबाट खुल्न आएको छ।
प्रकाशित मिति: बिहीबार, असार ५, २०७६ १६:००
