काठमाडाैं : शुक्लाफाँटा नगरपालिका–७ कालापानीका ६२ वर्षीय सरस्वती मल्लको आज ट्र्याक्टरले ठक्कर दिँदा मृत्यु भएको छ ।
कसरौलबाट कालापानीतर्फ जाँदै गरेको से १ त ७१२२ नम्बरको ट्र्याक्टरले मल्ललाई ठक्कर दिएर सख्त घाइते बनाएपछि उपचारका लागि महाकाली अञ्चल अस्पतालमा उपचारका क्रममा मृत्यु भएको इलाका प्रहरी कार्यालय झलारीका प्रहरी निरीक्षक रमेशदत्त अवस्थीले बताए ।
घरबाट फरुवामा धार लगाउन नजिकैको आरन व्यवसायी कहाँ जाँदै गर्दा मल्ललाई ट्र्याक्टरले ठक्कर दिएको थियो । ठक्कर दिने ट्र्याक्टरसहित चालक २७ वर्षीय ध्रुवसिंह रानालाई प्रहरीले नियन्त्रणमा लिएको छ ।
मल्लको शव परीक्षणका लागि महाकाली अञ्चल अस्पतालमा राखिएको छ ।
प्रकाशित मिति: बुधबार, जेठ २२, २०७६ ००:३९
