काठमाडाैं । दाङको बंगलाचुली गाउँपालिकाको गाडीमा अज्ञात समूहले आगजनी गरेको छ ।
गाउँपालिका अध्यक्ष भक्तबहादुर वली चढ्ने रा १ झ १५२ नम्बरको गाडीमा आगजनी भएको हो ।
गाउँपालिकाको वडा नम्बर ५ को कार्यालय परिसरमा पार्किङ गरेर राखेको गाडीमा शनिबार मध्यराति आगजनी भएको र आगोमा जलेर गाडी पूर्णरुपमा क्षति भएको छ ।
यसैगरी शनिबार राति नै कपिलवस्तुकाे मायादेवी गाउँपालिकाका प्रमुख बजरंगी चौधरी चढ्दै आएको गाडीमाथि पनि आगजनी भएको छ ।
लु.१ झ ४०० नम्बरको सरकारी गाडीमा आगजनी गरिएको जिल्ला प्रहरी कार्यालय कपिलवस्तुले जनाएको छ ।
सदरमुकाम तौलिहवास्थित उनको भाडामा लिइएको निवास परिसरमा पार्किङ गरेर राखेको गाडीमा राति करिब साढे १० बजेतिर अज्ञात समूहले आगजनी गरेको प्रहरीले जनाएको छ ।
प्रकाशित मिति: आइतबार, साउन २६, २०७६ १२:२८
