भोजपुर । पौवादुम्मा गाउँपालिकाको केन्द्र च्याङ्ग्रेमा अस्थायी प्रहरी पोष्ट स्थापना गरिएको छ । अस्थायी प्रहरी चौकीको शुक्रबार एक कार्यक्रमकाबीच उद्घाटन गरिएको हो ।
शान्ति सुरक्षालाई थप मजबुत बनाउन गाउँपालिका केन्द्रमा चौकी स्थापना गरिएको गाउँपालिकाले जनाएको छ । सुरक्षाका लागि सहायक प्रहरी हवल्दार कुल बहादुर रूम्दालीको नेतृत्वमा ५ जना प्रहरीको टोली खटाइएको छ ।
गाउँपालिकाको केन्द्रमा प्रहरी चौकी स्थापना भएसंगै गाउँपालिकाका भित्र हुने आपराधिक क्रियाकलाप न्युनिकरण हुने स्थानीयले बताएका छन् । उद्घाटन कार्यक्रममा बौल्दै गाउँपालिका अध्यक्ष किरण राईले लामो प्रयास समय गाउँपालिकाको केन्द्रमो प्रहरी चौकी स्थापना गर्न सफल भएको भन्दै गाउँपालिकाको शान्तिसुरक्षामा सहयोग पुग्ने विश्वास व्यक्त गरे ।
त्यस्तै जिल्ला प्रहरी कार्यालय भोजपुरका प्रहरी नायब उपरीक्षक केशवकुमार थेवेले गाउको शान्ति सुरक्षा कायम गर्दै जनतालाई सुरक्षाको अनुभूति दिलाउने र अस्थायी प्रहरी चौकीलाई छिट्टै स्थायी बनाउन सहयोग गर्ने बताए ।
प्रकाशित मिति: बिहीबार, मंसिर २७, २०७५ १९:१६