गोरखा । गोरखाको मनकामना मन्दिर आजबाट दर्शनार्थीहरुका लागि खुला गरिएको छ । २०७२ वैशाख १२ गतेको विनाशकारी भूकम्पपछि बन्द गरिएको मन्दिर आजबाट खुला गरिएको हो ।
भूकम्पका कारण मन्दिर दक्षिण पश्चिम ढल्किएर जीर्ण बन्दै गएपछि त्यहाँ प्रवेश रोक लगाइएको थियो । मन्दिरको पुनर्निर्माणमा करिब १५ करोड रुपैयाँ खर्च भएको र पुनर्निर्माण अन्तिम चरणमा रहेका बेला दर्शनका लागि खुला गरिएको जनाइएको छ ।
मन्दिरमा तामाको छानामाथि सुनको जलप लगाइएको छ । मन्दिरको छानामा करिब ९ करोड रुपैयाँ बराबरको सुनको जलप लगाइएको छ ।
मनकामना मन्दिरमा दैनिक ५ हजारदेखि ७ हजारसम्म दर्शनार्थी पुग्ने गर्दछन् ।
प्रकाशित मिति: मंगलबार, मंसिर ११, २०७५ १९:१६
