जनकपुर । प्रदेश नं २ सरकारले बुधबार सार्वजनिक बिदा दिने भएकाे छ ।
मंसिर ५ गते मुश्लिम धर्मावलम्बीहरुको विशेष दिन अर्थात् पैगम्बर मोहम्मदको जन्म दिन परेकाले प्रदेश सरकारले सार्वजनिक बिदा दिएको हो ।
सरकारको २०७४ साल चैत २४ गते बसेको मन्त्रिपरिषदको निर्णयअनुसार प्रदेश २ मा बुधबार बिदा दिइएको कानुन मन्त्रालयले जनाएको छ ।
बुधबार प्रदेश २ का आठवटै जिल्लाका सरकारी कार्यालय, संस्थान र शिक्षालयमा बिदा दिइएको मन्त्रालयका शाखा अधिकृत वसन्त न्यौपानले जारी गरेको पत्रमा उल्लेख गरिएको छ ।
प्रकाशित मिति: सोमबार, मंसिर ३, २०७५ १९:१६