दमक । झापाको शिवसताक्षी नगरपालिका–९ का यूवाले देउसी–भैली खेलेर संकलन गरेको रकम एक मिर्गौला पीडितलाई प्रदान गरेका छन् । स्थानीय सम्झना बुढाथोकीलाई संकलित रकम रु ५० हजार ५ सय ६५ प्रदान गरिएको हो ।
आइतबार आयोजित एक कार्यक्रममा बिरामीका बुबा भुवन बुढाथोकीलाई सो रकम हस्तान्तरण गरिएको थियो ।
चिकित्सकले २७ वर्षीया सम्झनाको मिर्गौला प्रत्यारोपण गर्नुपर्ने बताएका छन् । बिरामीको उपचारमा हालसम्म रु २२ लाख बढी खर्च भइसकेको र थप उपचारमा समस्या भएकाले बुबा भुवनले सबैसँग थप सहयोगका लागि अनुरोध समेत गरेका छन् ।
प्रकाशित मिति: आइतबार, कात्तिक २५, २०७५ १९:१६
