दाङ । सरकारले २०७० असार १३ गते कमलरी मुक्त राष्ट्रको घोषणा गरेको भएपनि अझै कमलरी प्रथा हट्न सकेको छैन । पछिल्लो तथ्यांकले दाङमा २१ बालिका कमलरीको रुपमा रहेको देखाएको छ ।
मुक्त कमलरी विकास मञ्च दाङले बुधबार जिल्ला प्रशासन कार्यालय र भूमि सुधार कार्यालयमा ज्ञापनपत्र बुझाउदै यो तथ्य सार्वजनिक गरेको हो । मञ्चका अनुसार समाजका प्रतिष्ठित व्यक्तिले नै बालिकालाई कमलरीका रुपमा राख्ने गरेका छन् ।
सरकारले कमलरी मुक्त घोषणा गरेको भएपनि उक्त घोषणा कागजमै सीमित रहेको यस तथ्यांकले पुष्टि गरेको छ । दाङसहित पश्चिम नेपालका पाँच जिल्लामा अहिले पनि ९७ जना बालिका कमलरीकै रुपमा अर्काको घरमा काम गरिरहेको मुक्त कमलरी विकास मञ्चले जानकारी दिएको छ ।
प्रकाशित मिति: बुधबार, मंसिर १९, २०७५ १९:१६
