हेटौंडा । पूर्वपश्चिम राजमार्गअन्तर्गत हेटौंडाको पशुपतिनगरमा मालबाहक ट्रक पल्टिँदा त्यसमा च्यापिएर २ जनाको मृत्यु भएको छ ।
मृत्यु हुनेमा हेटौंडा–४ का २० बर्षीय सुदिप घिमिरे र सोही ठाउँका ३५ बर्षीय गंगा चेम्जोङ रहेका छन् ।
बाराबाट मकै बोकेर आएको ना ६ ख ७०१७ नम्बरको ट्रक पल्टिदा मोटरसाइकल र अटो च्यापिएका थिए । ट्रकले च्याप्दा ना ४६ प ६२१ नम्बरको मोटरसाइकलका चालक घिमिरे र ना १ ह ८९५९ नम्बरको अटोमा सवार चेम्जोङको मृत्यु भएको हो ।
ट्रक सडकमै पल्टिएपछि राजमार्गसमेत अवरुद्ध भएको छ । अहिले प्रहरी र स्थानीयवासीको संलग्नतामा राजमार्ग सुचारु गर्ने प्रयास भइरहेको जनाइएको छ ।
प्रकाशित मिति: शनिबार, मंसिर १, २०७५ १९:१६
