चितवन । कृषि तथा वन विज्ञान विश्वविद्यालयमा विद्यार्थीहरुले आगजनी गरेका छन् । आगजनीका कारण परीक्षा नियन्त्रण कार्यालयमा क्षति भएको छ ।
मंगलबार साँझ कार्यालयको ताला फोडेर भित्र पसेका विद्यार्थीहरुले पेट्रोल छर्किएर आगो लगाएका थिए । आगजनी र तोडफोडबाट लाखौंको क्षति भएको अनुमान गरिएको छ ।
प्रहरीले आगजनीको आरोपमा १० जनालाई पक्राउ गरेको छ । पक्राउ पर्नेमा सुदर्शन खराल, चन्दन केसी, उमेश थापा, ज्ञानेन्द्र राई, अरुण चपाई, किरण रोकामगर, प्रवेश आचार्य, अनिल अधिकारी, दिनेश भट्ट र मुक्ति भण्डारी रहेका छन् ।
विश्वविद्यालयले निजी कलेजलाई सम्बन्धन दिई भर्ना खुला गरेको विषयलाई लिएर विद्यार्थीहरुले आन्दोलन गरेको हुनसक्ने प्रहरीले जनाएको छ ।
प्रकाशित मिति: मंगलबार, कात्तिक २७, २०७५ १९:१६
