काठमाडौँ । नेपाली बजारमा केही दिन यता बढेको सुनको मूल्य साताको पहिलो दिन ४ सय रुपैयाँले घटेको छ ।
आइतबार सुनको मूल्य ८९ हजार ५ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । शुक्रबार सुन प्रतितोला ८९ हजार ९ सय रुपैयाँमा किनबेच भएको थियो ।
यस्तै शुक्रबार ८९ हजार ४५० रुपैयाँमा खरिदबिक्री भएको तेजाबी सुन आइतबार ८९ हजार ५० रुपैयाँमा खरिदबिक्री भइरहेको छ ।
नेपाली बजारमा आज चाँदी पनि ५ रुपैयाँले घटेको छ । शुक्रबार १२ सय ८० रुपैयाँमा कारोबार भएको चाँदी आइतबार ५ रुपैयाँले घटेर १२ सय ७५ रुपैयाँमा कारोबार भइरहेको महासंघले जनाएको छ ।
प्रकाशित मिति: आइतबार, चैत २९, २०७७ १३:१४
