काठमाडौं- चीनका रक्षामन्त्री वेई फेङ्हेको सम्मानमा नेपाली सेनाद्वारा 'गार्ड अफ अनर' प्रदान गरिएको छ । नेपालको एक दिवसीय भ्रमणका लागि आएका फेङ्हेलाई गार्ड अफ अनर प्रदान गरिएको हो।
नेपाली सेनाको एक टुकडीले सैनिक मुख्यालय जंगी अड्डामा चिनियाँ रक्षामन्त्री वेईलाई सम्मान गारद (गार्ड अफ अनर) प्रदान गरेको हो। रक्षा मन्त्री वेई चिनियाँ राजदूतावासको कार्यक्रम सकेर सैनिक मुख्यालय पुगेका हुन्।
सैनिक प्रवक्ता सन्तोषबल्लभ पौडेलले वेईले जंगी अड्डाको निरीक्षण गरेको पनि जानकारी दिए। त्यसलगतै वेईले प्रधानसेनापति पूर्णचन्द्र थापासँग द्वीपक्षीय भेटवार्ता गर्ने सैनिक मुख्लायले जनाएको छ
प्रकाशित मिति: आइतबार, मंसिर १४, २०७७ १५:५४
