काठमाडौँ । संस्कृति, पर्यटन तथा नागरिक उड्डयनमन्त्री योगेश भट्टराईले नेपाल नागरिक उड्डयन प्राधिकरणबाट हिमालय एयरलाइन्सले पाएको सेल्फग्राउण्डहृयाडिलिङ सुविधा तत्काल कार्यान्वयन नगर्न प्राधिकरणलाई निर्देशन दिएका छन् । त्यसैगरी विगतमा सेल्फग्राउण्डहृयाडिलिङ सुविधा लिइसकेका कम्पनीको समेत मापदण्ड अध्ययन गर्न उनले निर्देशन दिएका छन् ।
त्यसक्रममा यो निर्णय तत्कालका लागि कार्यान्वयनमा नलैजान र हिमालय एयरलाइन्ससँग त्यसका लागि आवश्यक आर्थिक तथा प्राविधिक क्षमता भए/नभएको अध्ययन गर्न निर्देशन दिएका छन् ।
यसरी अध्ययन गरी मापदण्ड पुरा नगरेको पाइए एयर इण्डिया र थाई एयरको समेत सुविधा खोसेर त्यो जिम्मा नेपाल एयरलाइन्सलाई प्रदान गर्न मन्त्री भट्टराईले निर्देशन दिएको मन्त्रालय स्रोतले जनाएको छ ।
प्रकाशित मिति: आइतबार, असोज ११, २०७७ १३:०७
