नेपालको सबैभन्दा ठूलो हवाई कम्पनी यती एअरलाइन्सले सफलतापूर्वक २१ वर्ष पूरा गरेको छ । निजी क्षेत्रतर्फ सन् १९९८ सेप्टेम्बर २१ देखि सुरु भएको कम्पनीले देशैभर आफ्नो सेवालाई विस्तार गर्दै आएको छ ।
निजी क्षेत्रतर्फ सन् १९९८ सेप्टेम्बर २१ देखि सुरु भएको कम्पनीले देशैभर आफ्नो सेवालाई विस्तार गर्दै आएको छ । नेपालमा नियमित रुपमा सञ्चालन हुने ३३ वटा विमानस्थलमध्ये हाल यती एअरलाइन्सले ९ स्थान र भातृ संस्था तारा एयरले १२ गरी २१ विमानस्थलमा दैनिक रुपमा उडान भरिरहेको छ ।
कम्पनी २१ वर्ष पूरा गरी २२ वर्षमा प्रवेश गरेको अवसरमा नयाँ प्रविधि जडित र सुविधायुक्त जहाज थप गरी सेवा विस्तार गर्ने लक्ष्य राखेको यती एयरलाइन्सले जनाएकाे छ ।
यतीले देशका अधिकांश विमानस्थलमा उडान सेवा सुरु गरेको तर सेवाग्राहीको अभावले पछिल्लो समय रोकिएको र आगामी दिनमा जतिसक्दो सबै विमानस्थलहरुमा सेवा पुर्याउने लक्ष्य रहेको योजना रहेकाे जनाए । रुकुमको सल्ले, चौरजहारी, साँफेबगर, बझाङ, डोटी, रुम्जाटार, खानीडाँडा, लामीडाँडा, भोजपुर, सुकेटार, जोमसोम, काँगेल जस्ता दुर्गम र अत्यावश्यक क्षेत्रमा पुनःसेवा सुचारु गर्ने लक्ष्य राखेको जनाइएकाे छ ।
प्रकाशित मिति: आइतबार, असोज १२, २०७६ ०६:५१
