‘सिधाकुरा जनता सँग’का कार्यक्रम प्रस्तोता रवि लामिछानेविरुद्ध जिल्ला अदालत कञ्चनपुरमा उजुरी परेको छ।
निर्मला पन्तको बलात्कारपछि गरिएको हत्यामा प्रमाण नष्ट गरेको आरोपमा निलम्बित डिएसपी अंगुर जिसीलाई निर्दोष सावित गर्ने हेतुले सिधाकुरा जनता सँग कार्यक्रममार्फत रविले निलम्बित जिसीको अन्तर्वार्ता गरी अदालतकाे मानहानी गरेकाे अभियाेग छ । साथै अदालतले निर्दोष सावित गरेका कञ्चनपुरका दिलिपसिंह बिष्टलाई दोषी किटान गरी अदालतको मानहानी हुने काम गरेको आरोपमा दिलिप बिष्टका दाजु खड्क बिष्टले उजुरी दिएकाकाे जिल्ला अदालत कञ्चनपुरका श्रेष्तदार हरिकृष्ण अवस्थीले बताए।
बर्खास्त भएका प्रहरी नायब उपरीक्षक जिसीले सिधा कुरा जनतासँग कार्यक्रममा निर्मला पन्तको बलात्कारपछि हत्यामा सतप्रतिशत दोषी दिलिप बिष्ट नै भएको ठोकुवा गरेका थिए। रविले समेत दिलिपलाई बलात्कारी भएको भन्दै अपमानित शब्द प्रयोग गरेको उजुरी पत्रमा उल्लेख छ ।
प्रकाशित मिति: शुक्रबार, भदौ १३, २०७६ २१:२४