समाजवादी पार्टीका सांसद डा. सूर्यनारायण यादवले राजीनामा फिर्ता लिएका छन्। सिंहदरबारस्थित सङ्घीय संसद सचिवालयको कार्यालयमा पुगेर यादवले सभामुख कृष्णबहादुर महरालाई लिखित रूपमा राजीनामा फिर्ता लिएको पत्र बुझाएका हुन्।
स्वास्थ्यको कारण देखाउँदै उनले गत साउन २८ गते सभामुख महरालाई राजीनामा बुझाएका थिए। राजीनामापत्र बुझाउनुअघि सिंहदरबारस्थित संसदीय दलको कार्यालयमा पार्टीको बैठकसमेत बसेको थियो। पार्टीले राजीनामा फिर्ता लिन पटक-पटक आग्रह गरे पनि उनले केही जवाफ दिएका थिएनन्। तर, आज आइतबारकाे बैठकपछि भने राजीनामा फिर्ता लिएकाे पत्र बुझाउन उनी आफैं सभामुख महराकाे कार्यकक्ष पुगेका थिए।
प्रकाशित मिति: आइतबार, भदौ १, २०७६ २२:२३