काठमाडौं: पत्रकार शालिकराम पुडासैनीकी श्रीमतीले सञ्चारकर्मी रवि लामिछानेविरुद्ध प्रहरीमा किटानी जाहेरी दिएकी छिन् ।
शालिकरामकी श्रीमती सम्झना घिमिरे पुडासैनीले आइतबार महानगरीय प्रहरी परिसर काठमाडौंमा किटानी जाहेरी दिएको काठमाडौं प्रहरी प्रवक्ता होबिन्द्र बोगटीले बताए ।
शनिबार शालिकरामको १३ दिनको काजक्रिया सकेर सम्झनाले आइतबार काठमाडौं प्रहरीमार्फत् जिल्ला प्रहरी कार्यालय चितवनमा किटानी जाहेरी दिएकी हुन् ।
सम्झनाले जाहेरी दिँदै मुलुकी अपराध संहिता २०७४ को दफा १८५ अनुसार आफ्ना श्रीमानलाई आत्महत्याका लागि बाध्य पारेको कसुरमा न्युज २४ टेलिभिजनबाट प्रसारण हुने ‘सिधा कुरा जनतासँग’ कार्यक्रमका प्रस्तोता रवि लामिछाने, टिभी जर्नालिस्ट युवराज कँडेल र स्टाफ नर्स रुकु कार्की (अस्मिता) लाई कारबाही गर्न माग गरेकी हुन् ।
प्रकाशित मिति: आइतबार, भदौ १, २०७६ २०:४७