आज मुस्लिम समुदायले आफ्नो दोस्रो ठूलो पर्व बकर इद पर्व हर्षोल्लासका साथ मनाउँदैछन् ।
इस्लाम धर्मावलम्बीले नयाँ वर्षको रूपमा मनाउने यो पर्व नेपाल लगायत विश्वभरका मुस्लिम समुदायहरूले धूमधामका साथ मनाउने गर्छन् ।
यस दिन मुस्लिम धर्मावलम्बीहरु बिहानै स्नान गरी नजीकैको मस्जिद वा इदगाहमा गई सामूहिक नमाज पढ्छन् । नमाज पढिसकेपछि एकापसमा अङ्कमाल गर्दै शुभकामना साटासाट गरी घरमा गएपछि कुर्वान दिने विधान रहेकाे छ ।
यो पर्वमा आफूभन्दा ठूलासँग आशिर्वाद लिने तथा सानालाई आशिर्वाद दिने, एकआपसमा शुभकामना आदानप्रदान गर्ने, चौपायाको बलि दिई गरिब गुरुवालाई वितरण गर्ने गरिन्छ । यो पर्वमा सेबई, दूध, केरा, पुलाउ, बिरायानी लगायतका परिकार खाने चलन छ ।
यस अवसरमा दरबारमार्गस्थित नेपाली जामे मस्जिद, काश्मिरी मस्जिदलगायत देशभरका मस्जिद र इदगाहमा मुस्लिम धर्मावलम्बीको भीड लागेकाे छ ।
प्रकाशित मिति: सोमबार, साउन २७, २०७६ १७:१०