काठमाडौं: काठमाडौंको स्वयम्भूमा गोली चलेको छ । नेपाल प्रहरीले गुण्डागर्दी र लुटपाटमा संलग्न रहेकाे अपराधिक समहुमाथि दुई राउण्ड गोली चलाएकाे हाे ।
महानगरीय अपराध महाशाखा काठमाडौबाट खटिएको प्रहरी टोलीले गोली चलाएको हाे । लाेप्साङ भन्ने मिलन लामाकाे खुट्टामा दुई गाेली लागेर घाइते भएका हुन् भने अर्का अमृत तामाङलाई प्रहरीले नियन्त्रणमा लिएकाे छ ।
अपराध महाशाखाका एसएसपी सहकुल थापाका अनुसार गाेली लागेर लामा घाइते भएकाे र उनलाई उपचारका लागि ट्रमा सेन्टरमा लगिएकाे थापाले जानकारी दिए ।
रामेछाप गेलुका लोप्साङले लिखु गाउँपालिकाका अध्यक्ष गोविन्द खड्कासँग एक करोड रुपैयाँ मागी नदिए छोरीको अपहरण गर्ने धम्की दिँदै आएका थिए। अपहरणको धम्की दिने लोप्साङलाई समात्न प्रहरीले गोली प्रहार गरेको थियो।
लोप्साङ, विजय, बाबुरामलगायतको नामले चिनाउने अभियुक्तलाई पक्राउ गर्न खोज्दा भाग्ने प्रयास गरेपछि गोली चलाउनु परेको महानगरीय अपराध अनुसन्धान महाशाखाका प्रमुख एसएसपी थापाले बताए ।
प्रकाशित मिति: शुक्रबार, साउन २४, २०७६ १६:२७