विराटनगर : मोरङको सुनवर्षी नगरपालिका–२ स्थित पैनीले बगाएर मंगलबार एक बालिकाको मृत्यु भएको छ । अर्की एक बालिका वेपत्ता छिन् ।
कल्भर्टबाट पैनीमा खसेर यस्तो घटना भएको हो । मोरङ प्रहरी प्रवक्ता डिएसपी राजकुमार खिउजुका अनुसार पथरीशनिश्चरे नगरपालिका–६ का राजीव तामाङकी छोरी ११ वर्षीया श्रृजना तामाङ र राजीवकै घरमा बस्दैआएकी इलाम दानाबारीका कृष्ण तामाङकी छोरी ८ वर्षीया प्रिती पैनीमा डुबेर बेपत्ता भएका थिए ।
सुनवर्षी–४ स्थित फूपुको घरमा साइकल चढेर जाने क्रममा सुनवर्षी–२ मा रहेको कल्भर्टकबाट साइकलसहित पैनीमा खसेका थिए । प्रहरीका अनुसार वेपत्ता भएकामध्ये घटनास्थलबाट लगभग सय मिटर तल प्रितीको शव फेला परेको हो । श्रृजना अझै वेपत्ता रहेको र खोजी तिव्र पारिएको बताइएको छ ।
प्रकाशित मिति: मंगलबार, असार ३१, २०७६ २३:०२