काठमाडौं : काठमाडौंको मुलपानीमा घरको पर्खाल भत्किँदा एकै परिवारका तीनजनाको मृत्यु भएको छ । मुलपानी बाबाचोकमा टहरामा बस्दै आएका एकै परिवारका तीनजनाको मृत्यु भएको हो ।
मृत्यु हुनेमा ३५ वर्षीया सर्मिला यादव, २० वर्षीया निलु यादव र कुन्दन यादव छन् । एकै परिवारका उनीहरु मजदुरी गर्दै गुजारा गर्दै आएका थिए ।
महानगरीय प्रहरी वृत वौद्धका डीएसपी नरेन्द्र चन्दका अनुसार बलराम खत्रीको पक्की घरको पर्खाल भत्किएर टहरामा खस्दा उनीहरुको ज्यान गएको हो ।
प्रकाशित मिति: शुक्रबार, असार २७, २०७६ २१:१२