काठमाडौं : समता अस्पतालमा कार्यरत विमला तामाङ्को शंकास्पद मृत्युलाई लिएर आफन्तहरुले प्रदर्शन गरेका छन् । विमलाको शव शंकास्पद अवस्थामा भेटिएको भन्दै आफन्तले महानगरीय प्रहरी बृत्त गौशाला अगाडि प्रदर्शन गरेका हुन् । आफन्तहरुले विमलाको हत्या भएको भन्दै निस्पक्षरुपमा छानविन गरी दोषीलाई कारबाही गर्न माग गरेका छन् ।
समता अस्पतालमै कार्यरत रामेछाप दोरम्बाकी २७ वर्षीय तामाङको शव यही असार २ गते राति अस्पतालमै झुण्डिएको अवस्थामा फेला परेको थियो ।अनुसन्धानका क्रममा प्रहरीले अस्पतालका सञ्चालक उत्तम सञ्जेलकी पत्नी कला अधिकारी सञ्जेल, कर्मचारी तीर्थकुमारी श्रेष्ठ र संगीता केसीलाई पक्राउ गरेको छ ।
प्रहरीले प्रदर्शन नियन्त्रणमा लिइसकेको छ भने दुई जना पक्राउ परेका छन्। प्रदर्शनमा उत्रिएकाले प्रहरी दमन बन्द गर्न र पीडितलाई न्याय दिन माग गरेका छन्।
प्रकाशित मिति: आइतबार, असार ८, २०७६ १९:२४
