काठमाडौं : गुठी पक्षधरहरुले काठमाडौंमा विशाल प्रदर्शन गरेका छन् । सरकारले गुठी बिधेयक फिर्ता लिए पनि आन्दोलन भने जारी रहेको छ ।
चौतर्फी विरोध र आलोचनापछि मंगलबार भूमि, व्यवस्थामन्त्री पद्या अर्यालले राष्ट्रियसभामा प्रस्तुत गुठीसम्बन्धी विधेयक फिर्ता लिएको घोषणा गरेकी थिइन् । सरोकारवालासँगको छलफलपछि यसलाई अघि बढाउने उनको भनाइ थियो । तर आन्दोन भने रोकिएको छैन । विभिन्न स्थानबाट निस्किएको र्याली माइतीघर मण्डलामा आयोजित खबरदारीसभामा गएर मिसिएको छ ।
आज गुठीसम्बन्धी विधेयक खारेजीको माग गर्दै बृहत प्रदर्शन भइरहेको छ। काठमाडौँ, ललितपुर, भक्तपुरका विभिन्न स्थानमा गुठीसम्बन्धी विधेयकको विपक्षमा रहेकाहरुले खबरदारी सभा आयोजना गर्दै प्रदर्शन गरिरहेका हुन्।
खबरदारीसभा अघि ‘हाम्रो संस्कृति कसैको दाइजो होइन’, ‘सम्पदा मास्न पाइँदैन’लगायतका प्लेकार्ड बोकेका प्रदर्शनकारीहरुले उपत्यकामा र्त्रिपुरेश्वर, थापाथली,जावलाखेल लगायतका क्षेत्रबाट र्याली निकालेका थिए ।
प्रर्दशनका कारण जावलाखेल, बबरमहल, त्रिपुरेश्वर, शहीद गेट, थापाथली लगायतका विभिन्न ठाउँहरुमा सवारी आवागमन प्रभावित भएको छ।
प्रकाशित मिति: बुधबार, असार ४, २०७६ १६:३१
