काठमाडौं : सामेबार बझाङको मष्टा गाँउपालिकामा भएको जीप दुर्घटनामा परी घाइते थप दुई जनालाई नेपालगञ्ज रिफर गरिएको छ ।
सोमबार से १ ज १०७२ नम्बरको जीप जिल्लाको मष्टा गाँउपालिका वडा नम्बर १ डौठी भन्ने ठाँउमा दुर्घटना हुँद १० जनाको घटना स्थलमा नै मृत्यु भएको थियो भने ५ जना घाइते भएका थिए ।
गम्भिर घाइते ३ जनाको सोमबार नै 9 N AKD नम्बरको सीम्रीक एयर हेलिकोप्टर मार्फत नेपालगञ्ज पठाइएको भए पनि मंगलबार थप दुई जनालाई जिल्ला अस्पताल सिमखेतले नेपालगञ्ज नै रिफर गरेको जिल्ला अस्पतालका प्रमुख डाक्टर सन्दिप ओखेडाले बताए ।
सोमबार गम्भिर घाइते हुनेमा मष्टा गाँउपालिका वडा नम्बर १ का १२ बर्षीया गणेश खड्का, २३ बर्षीया गोकुल शाही र ३३ बर्षीया जनक द्धाललाई हेलिकोप्टर मार्फत नेपालगञ्ज पठाइएको थियो । बिरामीका आफन्तहरुका अनुसार तिनै जनाको नेपालगञ्जको अस्पतालमा आसियुमा राखेर उपचार हुँदैछ ।
मंगलबार बिहान थप दुईजना घाइते मष्टा गाँउपालिका १ की ३५ बर्षीया अनिता द्धाल, १५ बर्षीया संगीता खड्कालाई समेत नेपालगञ्ज रिफर गरिएको डाक्टर ओखेडाले बताए । उनका हात, खुट्टा, टाउकोमा समेत चोट लागेका कारण जिल्लाबाट रिफर गरिएको होे ।
दुर्घटनामा परी एकै गाँउका ७ जनाको मृत्यु भएको छ भने एकै परिवारका ३ जनाको मृत्यु भएको नेकपाका जिल्ला सदस्य तथा स्थानीय रामचन्द्र रोकायाले बताए । मृत्यु हुनेमा मष्टा गाँउपालिका वडा नम्बर १ कोटदेबलका ४० बर्षीय कलक खड्का, उनकी श्रीमती ४८ बर्षीया जुनधारा खड्का र उनका १२ बर्षीय छोरा सरोज खड्का रहेका छन् ।
यस्तै सोही गाँउका १९ बर्षीय हिक्मत खड्का, उनकी आमा ५२ बर्षीया धौली देवि खड्काको समेत ज्यान गएको छ । यस्तै कोटदेबलकै ७२ बर्षीया जुना खड्का, ८ बर्षीया विपना खड्काको समेत ज्यान गएको छ । दुर्घटनामा परी मष्टा गाँउपालीका वडा नम्बर १ रनाडाका ३० बर्षीय भक्त द्धाल र ३५ लक्ष्मी द्धालको समेत मृत्यु भएको वडा प्रहरी कार्यालयका सहि माहानन्द जोशीले बताए । उनका अनुसार चालक मष्टा गाँउपालिका वडा नम्बर १ जिनाडाका २२ बर्षका सुरेन्द्र थापाको समेत मृत्यु भएको छ । मृतकको अहिले जिल्ला अस्पतालमा पोष्टमार्टम भैरहेको छ ।
प्रकाशित मिति: मंगलबार, असार ३, २०७६ १७:०४