काठमाडाैं : सत्तारुढ दल नेपाल कम्युनिष्ट पार्टी (नेकपा)की सांसद जुली कुमारी महतोले सरकारले ल्याएको गुठी विधेयकले धर्म संस्कृति र जात्राहरूलाई मास्ने नभई अझ भव्य र व्यवस्थित तरिकाले मनाउन सहयोग पुग्ने बताएकी छन् ।
उनले एक पटक विधेयक पढ्न समेत आग्रह गरिन् । प्रतिनिधि सभाको सोमबारको बैठकको शून्य समयमा बोल्दै उनले गुठीको नाममा जनकपुरमा लुटतन्त्र भएको आरोप लगाइन् । जनपुरमा गुठीको जग्गा कौडीको भाउमा व्यक्तिको नाममा पुगेको उनको भनाइ थियो ।
उनले देशका महत्त्वपूर्ण गुठीका जग्गाहरू कौडीको भाउमा व्यक्तिलाई बेचिएको बताउँदै यसको संरक्षण गर्नु राज्यको दायित्व होकी हैन भन्दै प्रश्न गरिन्।
प्रकाशित मिति: सोमबार, असार २, २०७६ १७:५९