काठमाडौं: इन्जिनियरिङ कन्सल्टहरूको छाता संगठन सोसाइटी अफ कन्सल्टिङ एन्ड इन्जिनियरिङ फर्मसले अषाढ १ गतेबाट गर्ने भनिएको बन्द स्थगित गरिएको छ ।
फर्मसले अषाढ १ गतेबाट सरकारका आशयपत्र तथा प्रस्तावमा सहभागिता नजनाउने भने पनि सरकारले सातौं संशोधन ल्याएसँगै निर्णय स्थगित गरेको हो ।
नेपाल सरकारले जारी गरेको सार्वजनिक खरिद (छैठौं संशोधन) नियमावली २०७५ प्रति विरोध जनाउँदै अषाढ १ गतेदेखि कुनै पनि कार्यक्रममा सहभागि नजनाउने भने पनि बिहीबार राजधानीमा पत्रकार सम्मेलन गर्दै सम्पूर्ण कार्यक्रम स्थगित गरेको जनाएको हो ।
सोसाइटी अफ कन्सल्टिङ एन्ड इन्जिनियरिङ फर्मसका महासचिव कृष्णप्रसाद सापकोटाले सरकारले ल्याएको सातौं संशोधनमा ६५ क मा संशोधन गरेको र १४५ ख लाई पुर्णरुपमा खारेज गरेको बताए ।
उनले उक्त बुँदाहरुको संशोधनले निजी क्षेत्रलाई आशिंक न्याय मिलेको बताउँदै अब थप वार्तालाई अगाडी बढाउँदै कार्यक्रमहरु तय गरिने बताए ।
प्रकाशित मिति: बिहीबार, जेठ ३०, २०७६ २३:४१