काठमाडाैं : नेकपा प्रदेश नम्बर २ का अध्यक्ष प्रभु साहले स्थानीय तहमा कर्मचारी भर्नाका लागि लोकसेवा आयोगले निकालेको विज्ञापन रद्द गर्न राज्य व्यवस्था तथा सुशासन समितिले दिएको निर्देशन स्वागतयोग्य रहेकाे बताएका छन् ।
उनले भनेका छन्, विज्ञापन प्रकाशन पश्चात देश ठूलो संकटतर्फ उन्मुख थियो । समितिको यो निर्णयले उक्त संकट टारेको छ । यो देशमा द्वन्द्व निम्ताउन खोज्ने शक्तिको पराजय पनि । मुलुकले लामो संघर्ष पश्चात उपलब्धिको रुपमा पाएको परिवर्तन उल्ट्याउने किसिमले बदनियतपूर्वक उक्त विज्ञापन प्रकाशन गरिएको थियो ।
साे निर्देशन पश्चात मुलुकलाई अस्थिरतातर्फ धकेल्न खोजिएको षडयन्त्र विफल भएको बताएका छन् । मुलुकको संविधान र कानुनको वेवास्ता गरी ल्याइएको विज्ञापन रद्द गर्नु नै एक मात्र विकल्प हो , उनले भने ।
प्रकाशित मिति: सोमबार, जेठ २७, २०७६ २०:४२