काठमाडौं : बझाङको डुङ्ग्रीगाड लघुजलविद्युत आयोजनामा पहिरो गएपछि बिद्युत अवरुद्ध भएको छ । जलबिद्युत आयोजनामा पहिरो गए सँगै लाखौंको क्षती भएको जनाइएको छ ।
विद्युत पावर हाउसको पछाडी पट्टीको भागबाट एक्कासी पहरोले बगाएर ढुङ्गा माटोसहित पावर हाउसको पछाडी पट्टीको भागबाट मेसिन पुरेपछि विद्युत सेवा अबरुद्ध भएको स्थानीयले बताएका छन् । बिद्युत सेवा अबरुद्ध भएपछि मष्टा गाउँपालिका –१ का झण्डै तिन सय घरधुरी अध्यारोमा बस्न बाध्य भएका छन् ।
पहिरोले मेसिन पुरेपछि मेसिनसहित विद्युत गृहमा भएका अन्य सामान समेत काम नलाग्ने अबस्थामा पुगेको आयोजनाका अध्यक्ष नबराज रोकायाले बताए । पहिरोले झण्डै २५ लाख बराबरको सामानमा क्षति गरेकाले यसको मर्मतका लागि गाउँपालिका लगायत सरोकारबाला निकायहरुमा पहल गरिने समेत अध्यक्ष रोकायाले बताए ।
बैकल्पीक उर्जा प्रर्बद्धन केन्द्र, तत्कालिन जिल्ला बिकास समिति र गाउँपालिका र स्थानीय उपभोक्ताहरुको जनश्रमदानमा झण्डै १ करोड बिस लाखको लागतमा गत बर्ष मात्रै निर्माण कार्य सम्पन्न भएको थियो ।
प्रकाशित मिति: शुक्रबार, जेठ २४, २०७६ १८:०८