काठमाडौं : देशभक्त जनगणतान्त्रिक मोर्चा, नेपालका संयोजक सीपी गजुरेलले त्रिभुवन विश्वविद्यालय सेवा आयोग तत्काल खारेज गर्न सरकारसँग माग गरेका छन् ।
संयोजक गजुरेलले आयोग भ्रष्टाचारमा मुछिएको भन्दै त्रिभुवन तत्काल खारेज गर्न सरकारसँग माग गरेका हुन् । बुधबार अखिल क्रान्तिकारीले सेवा आयोग खारेजको माग गर्दै जारी राखेको आयोगको कार्यालय मूलगेटको अनिश्चितकालीन धर्ना कार्यक्रममा ऐक्यबद्धता जनाउन पुगेका गजुरेलले योग्यता र क्षमताको आधारमा भन्दा पनि राजनीतिक भागबण्डाको आधारमा परीक्षा लिनेलगायतका गलत काम गर्ने सेवा आयोग खारेज गर्नुको विकल्प नरहेको बताए ।
अखिल क्रान्तिकारीले आयोगले भ्रष्टाचार गरेको लगायतका आरोप लगाउँदै गत सोमबारबाट आयोग खारेजीको माग गर्दै अनिश्चितकालीन धर्ना कार्यक्रम सुरु गरेको हो ।
प्रकाशित मिति: बुधबार, जेठ ८, २०७६ १९:४९