काठमाडाैं : एचआइभी संक्रमित गोपाल श्रेष्ठले विश्वकै सर्वोच्च शिखर सगरमाथाको सफल आरोहण गरेका छन् । पोखरा ७ का श्रेष्ठले आज(बुधबार) सर्वोच्च शिखर सगरमाथाको चुचुरोमा पाइला राखेका हुन् ।
उनले अप्रिल १२ तारेखमा सगरमाथा शिखरयात्रा आरम्भ गरेका थिए । गोपाल सहितको दुई जनाको टोली सगरमाथाको चुचुरोमा पुगेको बताइएको छ । सन् २०१५ मा सगरमाथा चढ्ने प्रयास गरेका गोपाल विनाशकारी महाभूकम्पका कारण सफल हुन सकेकाे थिएन ।
बुधवार मात्रै ८० जनाले सफल आरोहरण गरेको पर्यटन विभागकी निर्देशक मीरा आचार्यले जानकारी दिइन । उनले आधार शिविरबाट श्रेष्ठसहित दुई जनाले सगरमाथाकाे आराेहण गरेकाे जानकारी आएकाे बताइन ।
प्रकाशित मिति: बुधबार, जेठ ८, २०७६ १७:५५