काठमाडाैं : ‘ताण्डव’ साप्ताहिक र ताण्डवन्युज डटकमका सम्पादक अर्जुन गिरीलाई प्रहरीले पक्राउ गरेको छ।
उनलाई साइबर अपराध गरेको अभियोगमा सोमबार बिहान ११ बजे पोखराबाट पक्राउ गरेको हो । व्यवसायी विपीन (विपेन्द्र) बतासले जग्गामा ठगी गरेको समाचार उनले लेखेका थिए। बतासले दुईजनाबाट ४ करोड २३ लाख रुपैयाँ ठगी गरेको आरोप उनको समाचारमा लगाइएको छ।
विपीनले प्रहरीको केन्द्रीय अनुसन्धान ब्युरोमा अर्जुनविरूद्ध साइबर अपराध गरेको भनी उजुरी गरेको आधारमा अदालतबाट पक्राउ पुर्जी जारी गरी कास्की प्रहरीले गिरीलाई सोमबार काठमाडौं ल्याइएको बताइएको छ ।
पत्रकार गिरीलाई प्रहरीले साइबर अपराध सम्बन्धी कसुरमा पक्राउ गरेको घटनाप्रति नेपाल पत्रकार महासंघले आपत्ति जनाएको छ। गिरी नेपाल पत्रकार महासंघ कास्की शाखा सदस्य पनि हुन्।
प्रकाशित मिति: सोमबार, वैशाख २, २०७६ २१:३७