काठमाडौ : नेत्रविक्रम चन्द (नेकपा) विप्लव का कार्यकर्ता र प्रहरीबीच मंगलबार साँझ काभ्रेमा गोली हानाहान भएको छ ।
काठमाडौंका विभिन्न स्थानमा भएको बम बिस्फोटमा संलग्नको खोजी गर्ने क्रममा गएको महानगरीय प्रहरी अपराध महाशाखाको टोली र चन्द कार्यकर्ताबीच काभ्रेको रोशी गाउँपालिका-२ फलामेसाँघुमा गोली हानाहान भएको हो ।
महाशाखाका प्रवक्ता एसपी सोमेन्द्रसिंह राठौरको नेतृत्वमा गएको प्रहरी टोलीले पक्राउ गर्ने क्रममा चन्द कार्यकर्ताले गोली चलाएका थिए । गोली हानाहानमा दुवैतर्फ कुनै क्षति नभएको बताइएको छ ।
काठमाडौंका विभिन्न स्थानमा बम बिस्फोट गराउने समूह त्यहाँ रहेको जानकारी पाएपछि उक्त समूहलाई खोजी गर्दै प्रहरी त्यहाँ पुगेको थियो ।
सो क्रममा २ जनालाई नियन्त्रणमा लिइएको राठौरले जनाएका छन् ।
प्रकाशित मिति: बुधबार, चैत ६, २०७५ ११:१७
