झापा । प्रधानमन्त्री केपी शर्मा ओलीले आगामी बजेटमा ज्येष्ठ नागरिकको भत्ता बढाइने बताएका छन् ।
वर्तमान सरकार गठन हुँदा मुलुकको ढुकुटी रित्तो अवस्थामा रहेका कारण चालू वर्षमा ज्येष्ठ नागरिकहरुका लागि भत्ता बढाउन नसकेको ओलीको भनाई छ ।
दशैं र तिहार लगायतका चाडपर्वको अवसरमा विर्तामोडमा आयोजित एक कार्यक्रममा प्रधानमन्त्री ओलीले, भनेजस्तो भएन भनेर ज्येष्ठ नागरिकलाई नरमाइलो लागिरहेको हुनसक्छ, तर आउँदो बजेटमा सरकारले भत्ता बढाएर घरमै ५ हजार पुर्याउने योजना रहेको बताए ।
आफ्नो मुख्य सङ्कल्प देशलाई सुशासन र समृद्धिको बाटोमा अघि बढाउने रहेको उल्लेख गर्दै ओलीले जनताको अपेक्षा र विश्वासलाई तलमाथि पर्न नदिने बताउँदै आफुले आफ्नो कर्तव्य बुझेको भएकाले नाकमा कालो लाग्न नदिनेमा जोड दिएका थिए ।
प्रकाशित मिति: बुधबार, कात्तिक २८, २०७५ १९:१६